MTP Branch : Pala, MTP Platinum Jubilee ahmâna tlâhpipa
MTP Aduana ei 70-na atyh heihna alyna châta, Târi 07.10.2024 Hriatuanoh liata Tlâhrai hriana hneipa châ ta, Târi 08.10.2024 Hriaheihnoh nohchhô liata Sport ta apalypa-uasana hneipa châ ta, eima Chief Guest nata a viasazy hmiakhochhihpa eima hmô.
Târi 08.10.2024 Hriaheihzâ liata “Platinum Jubilee Samaw hlâ zâ” Programme hmâpa châ ta, Program he Puhpa L.Beimopha, Secy i/c Property chhitha ta, Puhpa S.Beichhuahnei, Secy KTP Br Pala ta Devotion maniah hneipa ta, Puhpa Khusa Khaila, Ex.Pre. MTP Br.Siaha nata Puhpa John K.Rema, Exe.Mem. MTP (GH) tawhta pasyuna bie phakawpa nahthliepa châ ta, Puhpa K.Beithangia, Exe.Mem. MTP(GH) ta Chief Guest a vaw chakuhchaveipazy hmiapahnosana maniah a hnei. Laihsa Chhingpuii Azyuh nata Local Artist zy ta zawpi âpôhpakhypazy Vâ-iana hla nata Pho hla zy hmâpata maniah a ei ei ta, Little Angels zyta lâpa ta zawpi maniah ama palysa.
Târi 09.10.2024 Pakhynoh my Dawh 10:00Am liata Platinum Jubilee Lôbô pahyna, Dr Beizakaw Vyhtu,Sr VO MADC, Chief Guest ta maniah hneipa ta, Machâ M.Vakaw,Secy ECM Local Church Pala ta Platinum Jubilee Lôbô pavaosana nata hlâna thlahchhâ maniah a hneipa. Dawh 11:00Am tawhta Laivu Hall liata Platinum Jubilee Alyna Program hmâ pazipa achâ.
Platinum Jubilee alyna Program he Puhpa MB.Mara, V.Pre.MTP Br.Pala ta chhihtha ta, Rev.Davies K.Beichhitha, Biatuhpa Pastor ta Devotion daihti maniah a hmâpa. Eima Chief Guest, Dr Beizakaw Vyhtu tawhta biereina nata pachuna pha kawpa nahthliepa châ ta, Puhpa L.Zere,Gen.Secy MTP Br.Pala tawhta MTP Br.Pala Annual Report nahthliepa châ ta, eima Branch MTP manôh pano maniah âpahâsai hapazy taokheina hneipazipa châ ta, Machâ V.Khaima,Awnanohyutuhpa ta ama siesaipa MTP manôh nata ama chhôhkhazy châta thlahchhâna maniah a hneipa. Laihsa Chhingpuii Azyuh ta, hla ta maniah a ei ta, MTP Br. Pala ta Awkhypa lâ hmâpa ta zawpi ama palypa-uasa. Puhpa KB.Ngalai,President MTP Br.Pala ta, alynabie reina nata Chief Guest hnohta Present hlâna a hnei. Eima Chief Guest ta MTP Branch Pala zy hnohta Jubilee alyna châta Phusâ ₹ 30000/- , Volleyball & Net nata Football Branch President hlâ ta, Kô 80 chôlâ uhtheipa Machânah mo 8 hnohta nata Eima khih lia tah Veiseihpalôh hâh chaipa Puhpa K.Siacho nata MTP manôh hry tawhta theina â lyuleipa vâta MTP hmotaona liata â pahlao thei beihleipa mo 2 hnohta ₹ 1000/- sai Jubilee alyna châta châta a hlâ chyu ei. Puhpa Khusa Khaila chhaota eima MTP Branch hnohta Volleyball 2 Jubilee alyna châta maniah a hlâ hra.
Zâlâ Dawh 4:30Pm tawhta Platinum Jubilee Kyhchhi pati dôhna hneipa achâ.
Târi 09.10.2024 Zâ ta7 Puhpa Z.Beilonga, President MTP SH Phura Guest of Honour châpa ta maniah a hmãkhei ta, eima Guest of Honour he A lahpinô Pihnô A.Siadiki, Puhpa NT.Khaiza, V.Pre.MTP SH Phura nata Puhpa B.Pily, Asst.Gen.Secy MTP SH Phura ta ama vaw chakuhchavei.
Puhpa VT.Beiso, Secy i/c Fin.& Ac. ta Program chhihtha ta, Puhpa K.Chhuakhai, Advsr MTP ta Devotion maniah hneipa ta, Guest of Honour ta Biereina hnei ta, Jubilee alyna châta, ₹ 7000/- dua MTP châ ta Branch President hnohta hlâ ta, Puhpa B.Alena, Tresurer ta Guest of Honour hnohta Present hlâna a hnei hra.
Puhpa NT.Khaiza,V.Pre. MTP SH Phura ta Biereina pha kawpa maniah hneipa ta, Puhpa KB.Ngalai, President MTP Br Pala ta Presidential Message reina hnei ta, Puhpa Vabyhna Khithie, Secy i/c SW ta Alynabie reina a hnei. He zâ liata MSO Br Pala ta, MTP Lâ maniah lâpa ei ta, Khichhôh hlasathaipazy ta zawpi maniah amâ ei. Eima daihti chhâchina liata Puhpa M.Beirakhai, Headmaster Gov’t M/S Pala & Ex.Pre ta thlahchhâna maniah hneipa ta daihti pachhâpa achâ.
Sd/-
Secy i/c Info.& Publ.
MTP Branch Pala.
