He Br sathòpa zy ahawna hawta Pupa. N. Solomon Beihlotha AGS, MTP Gen.Hqrs nata Pupa T. Beihronga, Secretary A& C MTP Gen.Hqrs zy ta Resource person chà pa ta Awareness he hlaotlo kawpata hneitheipa A cha.
Siaha dated 10th &11th April,2024 noh khata The 3 Brothers (MTP Branches – Maisa, Palâ & Lôdaw) zy pachhuah panohpa ta Lôdaw khi Bazar Shed liata akhisaw zydua hleikhôta Maisa & Palâ tawh zy ta he Awareness Campaign on IT, Art,Culture and Social Responsibility programme vaw hmakhei awpa he ta vaw tlô pakhy eita, dated 11th April,2024 zâ khata hlaotlo kawpata amâ hmá.
He Awarness Campaign programme he Puhpa LM Beingalai, President MTP Br. Palâ ta pahnie kawpata chhitha na rai hriata, Machâ L. Hrolua (Awahnano Hyutuhpa) ta Abeipa lâ pavaosa a hnei. Puhpa ST. Beihro Azyu, President MTP Br. Lôdaw ta welcome address reihna pha kawpa ahnei hleikhôta Puhpa Juna Vytuchho, President MTP Br. Maisa ta vote of thanks reihna a hnei.
He programme lia Resource Person Puhpa N.Solomon Beihlôtha, AGS châta Marâzy pi eima khitla taopathina (Social reform and Moral reform) he eima hnei pathi vei khiata la eima Thyutlia penaw heta future phalei kawpa thlaita ama kaw hmia chhy aw. Social Reform eima peimaw theina dah la eima khitlâ liata MTP he thlachhaotu awpa ngala ta pachânazy khi thokha liatala eima hnei pathao. He he moral reform eima peimawh ngásána a châ. MTP he tlachhaotu awpa ngala châleipa eita, MTP chhitatuhpazy Khazohpata eima râh chata sathaw a thupa châ eita, khitla nôpawna nata sahlao nazydua chhaota ama raihzy, ryureih-tlâtlazy eima zyh lylia awpa nata eima Chizah Thai via lyma awpa abyuh. Cha châta eima NGOs establishment nata social reform zy chhao he lâpi dohpa a kaw zi lai aw tahpa ta challenging kawpa ta pasyuhna nata pachuna pha kawpa a hnei.He khai nata Resource person pyly Puhpa T. Beihronga,Secy i/c Art & Cult chhaota Marareih he atahma duahmo lia heta UNSCO ry liata reih Achu viapazy tala Marareih cheingei chhao he endangered langauge ta phua hata chavâta reih hropa eima cheihnga kawpa he pathai khaovei, chavâta MTP members phapa na ei châ atahpa maihla Mara reih cheihlu na lia heta eima pihpathi chanei awpa a peimawh ngásá ha tahpa ta pachuna Art& Culture topics tawhta reihna a hnei.
St. Beithlapahrua Nôhro, EM (MTP Gen HQ) chaota Legal Awarness reihna a hnei.
He Rao heta Adviser Puhpa PP.Zalena chhao azahlao hrata anoh chaota pasyuhna bie pha kawpa reihna a hneipa hrapa a châ.
Resource Person Puhpa N.Solomon Beihlôtha, AGS ta hmongiatla ngásápa taota cha cha - MTP Br Maisa, MTP Br. Palâ nata MTP Br. Lôdaw zy hnota hnosaipiena - Silpauline, T Shirt, socks zy cha Branch nôpawna hno chyuta present ta ahleikhôta Kettle(Ketli) pha kawpa MTP Br. Lôdaw hnota a hlâ ei. He hleikhôta The 3 Brothers na khi liata MTP members veiseihpalôha chaipa atlypapuapa hnota T shirt pha kawpa nata MTP juniors zy hnota hmosai hlana a hnei .He hawpa heta Puhpa T. Beihronga chhaota Branch -3 hno heta towel pha kawpa a hla chyu ei.
Resource person hruapa eihpazy châ heta MTP Br. Lôdaw zyta Saphao la picnic na hneikhei eita, raphyu liata pati niepahmaona (with the 3 Brothers MTP Branches) zy chhaota Aly kawpata pati ama dôh pa hmao.
Palâ, Maisa nata Lôdaw area khi ama tly chhô heta MTP Branch Lôdaw nazy ta Lôdaw liata ama y chhôta pati paha kawpa achhuanoh lyma eita MTP Br.Palâ chhao ta ama area ama kaw ngaihna daihti liata Mypati pahá kawpa vaw chhuanoh hra eita, MTP Br. Maisa zy chhaota pati paha kawpa amâ vaw chhuanoh hrapa a châ.
Resource person za chakuchavei tahpazy cha :-
1) Puhpa PP.Zalena, Advisor MTP Gen HQ,Siaha.
2) St N. Beithlapahrua, EM(MTP Gen HQ)
3) St. Felix Hlychho, Siahatla (MTP Section Leader, Siahatla)
4) St. Beibei, Council Vaih(Khydi Contestant).
