MTP Gen HQ term thiehpa liata Refugee Managing Board paduapa a châ tawhta a ei kha nawpa ta târi noh 3rd & 4th March, 2023 pata MTP HQ Gen Secy Puhpa R. Israel Chozah, Chairman, MTP Refugee Managing Board chhithana ry liata siepapuana hneipa a châ. He liana heta Refugee deichhyna raih volunteer ta a hriahaipa Doctors Without Borders zy nata a pakaopa ta Refugee Camp 4 yna khih Zyhno, Laki, Lôpu nata Khaikhy zy tlypa a châ. He liata a sie theipa he MTP tawhta member 6 nata DWBI tawhta member 4 a châ.
Day-1 # 03/03/2023
Siaha tawhta my dawh 7 a thaopa châ ta, my dawh 10am pata Zyhno khih tlôpa ta Zyhno MTP Branch ta my pati pahâh kawpa miah vaw chhuanohpa ei ta ama chô liata eima ly ngaita kaw. Refugee managing board nata MTP Branch leader zy nata apakyna daihti pha kawpa eima hmâh.
Zyhno tawhta Khaikhy pangai heih pita dawh 4pm lia Khaikhy tlôpa ta camp tlyna nata apakyna zy hnei pazao heihpa a châ. A zoh ta Khaikhy tawhta Lôpu lâ a vaw lie pita Lôpu Refugee Camp liata zâ pati dôna hnei khai nata Lôpu & Leisai MTP Branch leader zy nata apakyna hnei heihpa châ ta, Lôpu Forest Guest House liata eima rie.
Day -2 # 4/3/2023
Mydi dawh 7 pata Lôpu Refugee camp tly heihpa châ ta, he khai tawhta Laki lâ sie pata Laki he my dawh 10am pata tlô pi ta, MTP Leader nata Refugee board zy nata apakyna hneipa a châ heih. Refugee Camp liata my pati nie khai tawhta Camp tlyna hnei heihpa a châ. He khai tawhta Zyhno lia Camp 1 tly heih pita cha tawhta Tipa liata DWBI Office lia Thopi nata ahmie pahâh kawpa ta miah ama vaw mokha heih ei. Tipa liata buakha tha a padâh pita cha khai tawhta Siaha pangaipa ta sie heih pi ta, zâlâ dawh 4 rachhô khata a tlâboh kawpa ta Siaha eima vaw ngia thei haw.
He Refugee camp tlyna lia maih heta saphâ, silpaulin, Exercise Book nata ahropazy chhao eima phana rakha hawhta hmosai piena hnei lymâpa a châ. He hleikhô ta DWBI zy Refugee Camp liata ama raihriapa thokhazy cha inspection hnei pah lymâpa a châ. Amo heta niedo nata peimawh hropazy chhao miah buakhei lymâ ei ta miah ama hriaparaona ky liata eima ly ngaita kaw. Cha dei châ leipa ta, eima siena liata MTP Branch nôpawpazy miah pachâ peimawh kaw sai ei ta eima chô liata ama phana zydua vâta alynabie eima reih hra.
Refugee camp to liana heta rairuna hluhpi ama tyhpa hry liata Saphâ he ama rairukhei chaipa a châ. Non-Govt Agency / NGO tawhta baona ama daopa he zâkô 2022 Dec liata Saphâ ama raipa hleikhô atanoh taihta niebaw liata baona dao tla khao vei ei.
He hleikhô ta, Refugee camp lai viapa lia maih heta ama sawnah cha pachusa awpa ta teacher a volunteer pa ama y nota Siku o nata achuna bu peimawh hropazy liaalta rairuna thata ama tyh hai hra.
Ama hrona pabohsa khoh vâta eima râh a vaw chhaipazy he a hluh a chyh y leipa ta eima phana rakha chyu liata a bao khohpa ama y khiatala MTP Refugee Managing Board siepahliepa ta khati no rai ta baona a pie thei lyma.
Chieleipazy bao ta, deichhyna lia hmaokha ta
