Atano dated 14th Delhi, 2023 khata Puhpa N. Solomon , Asst. General Secertary. Mara Thyutlia Py Gen. HQ, Siaha ta Puhpa,John Barla, Union Minister, Ministry Minority Affairs cha a yna-O (Jantar Mantar, Block-2, New Delhi) liata ãhmõpa ta daw khophie ãpakyh khona hnei ei ta,he amã pakykhona lia heta Marãh thyutliapa zy chãta ãhawna amaropa, hro hropa zy cha hmah lapa awpa ta ãhaw. Puhpa,John Barla, Union Minister chhaota amã hawna hro hropa zy cha,atheina dãhawhta mokhei ta,ãngãzie bie nata hmah lakhei awpa ãtaihna zie arei cheingei hra.He amã pakhyhna liata he ta, Puhpa, Solomon ta cha Union Minister hnohta he ta, Mara community cha Minority ama chãna ahluhpa nata ama "Marãh Thyutlia Py" nata Marãh thyutliapa zy chãta ãchuna lãta ama hnõsy biezy apachaipa ta, Marãh thyutliapa zy chãta Youth Coaching Center Siaha liata a y theina awpa ta,mokhei awpa nata Marã thyutliapa zy chãta, exposure taopa awpa ta ãhawna zy cha,mokhei ta âchhuah zie Union Minister heta achhopa achã.He khaina heta Puhpa, Kunal IAS, Joint Secretary ( Department of Youth & Sports, Gov’t of India ) chhao ãhmõpã ta, Siaha Deputy Commissioner parohpa achãna hawhta ngãh kawpa ta,ãpakyhna hneipa ta,"Marã Thyutlia Py"chãta ãhawna hro hropa atlõkheipa zy cha hmah lakhei awpa nata thyutliapa zy chãta ãtheina a y theipa hro hropa liata Siaha District chãta nata apachaipa ta, Marã thyutliapa zy chãta byhnã achãpa awpa ta ãhaw. Joint Secy (Dept of Youth & Sport, GoI) chhao Siaha District cha amy beieipa bie nata amã hawna hro hropa zy amokheipa ta ãtaihna bie achho.
Puhpa,Solomon he Delhi Marãh ãchu haipa py (MSO Jt. HQ)chhithatuhpa zy ta zi pata ama chaku-chahla.
