Dated Aizawl, the 9th Aug.2023.
Puhpa Pakhaw Choza, President nata Puhpa N.Solomon Beihlôtha, Asst. Gen.Secy (MTP -H) zy ta Puhpa Robert Romawia Royte(Sports Minister) nata Puhpa Lalchamliana(Home Minister) zy MTP chata hmo peimawpa nata Mararâh chata peimawpazy ama tlô khei*
Atanoh dated 9th Aug,2023 my daw 9:30am khata Puhpa Robert Romawia Royte (Minister i/c Sports,DCA Deptt etc) cha hmô eita, MTP ta project eima pangiahpa Lengnechhe Kû chata fund ama hiapa cha, atheina da hawta vaw mokhei âchhuah zie a reih. He rao heta MTP chata ‘Boys & Girls Football& Volley Ball tournament’ mania taopa awpa chhao reikheipa châta, Mizoram state sôh duahmo aphamahleipa vata avaw phavia ti chata mokhei âchhuahzie avaw chho ei.
He khai tawhta secretariat suhpi MiNECO lâ ta Puhpa Lalchamliana, Home Minister cha a chamber liata vâ hmô hei eita ano hno chhaota MTP ta eima peimawpa hlupi ama tlôkhei hra. Home minister chhao heta Mararâh liata NGO nôpawna hmo tlôkheipa he avaw pachâ peimawsa ngásá.
Atanoh Minister adaona lia heta Puhpa Pakhaw Choza,President nata Pu huhpa N.Solomon Beihlôtha, Asst.GS hleikhôta MSO member thokhazyta ama chakuvei lai hra.
Nb:- Puhpa Thangtea (Dr.Lalthangliana Minister) ahmôpa âchhuah eita Meeting peimawpa avaw hnei hmâpa vata amâ hmô hma khaoleipa a châ.
