OPERATION GENESIS SIEPAPUA

Atanoh dt. 14/4/23 liana khata Maraland ILP & Anti- Illegal Trade Celll, MTP Gen.Hqrs. hmalanana ta atakó 2023 liata eikha nawpata ‘Operation Genesis’ sie papuapa châta,Kaochao nata Amobyu Vaithie khih liazy ta Surprise Checking hnei pa châta,Trade â do lei kawta a siekheipa nata ILP zy mopado na hneipa a châ.

Amobyuh Vaihthie khih liana heta Pp Beingiachhie,President MTP Br:Amobyuh Vaihthie nata ahrialâhpa thokha zyta maniah baokha lymâ eita,ama Opi liata thopi pahâ kawpa maniah pado eita â pakyna hneipa a châ.

MTP Br:Amobyuh Vaihthie Opi liata âpakyna chyuhpa daihti liana heta Pp T.Beihronga,Secy Art & Culture,MTP Gen Hqrs ta pasyuna bie pha kawpa reina hnei ta,MTP Br:Amobyuh Vaihthie zy ama activity nano nano pa Social Media siepahliepa ta a pahnopa liata MTP Br:Amobyuh Vaihthie Chhithatuhpa nata Member zy reithaitlâh ama châzie nata ama chô liata âly zie reihna hneita,MTP mohta kyto tie ama taona liata tiama via hei awpa nata chiehleipazy baona nata deichhyna kyh liata duapathla leipa ta keichakâ lymâ awpa ta pasyuna bie pha kawpa reih ta,khokheina chhao a hlâ pâ ei.Pp Beingiachhie,President,MTP Br:Amobyuh Vaihthie tawh chhaota ama branch ta hma ama vaw la chie na pazy report nathliepa châta,ama Branch ta Nôhmeipa nata bao ngiapazy O ama sa pazy,khitlâh ama mohôna dâh zy nata pik up thiepa ama hneipa zy nathliepa châta,pik up thiepa deikua he MTP Sub Hqrs:Saikao Sport Meet lâ Member zyta âmâ phao hapa vâta hmô hmâ leipa pita pei eima ta hmeisei.
Amôbyuh Vaihthie liata checking zy hneipa a châ khai tawhta kaochao E liata hnei pazi pa a châ hra.

Atanoh checking liana heta eima rah liata arah leiló saw achà lei pata License/pasaina yleipata sódaopa athata ama hmó papua. He sódao typa zy he Non-Tribal nata Hiakha Thlatla Tidim là tawta atlia liata he rah la azu pa zy ama chá via chai.

MTP Resolution hawta eima rah liata Mara pa saw achà leipa Tribal hropa Reih hropa a hmapa zy cha Ano Pathlatuhpa anó tlyma apaw tlyma PL Region Daihti (1978) ryla liata he rah liata a y leipa cha Sódaona License he pasai khao leipa a châ.

Atanoh Checking liana heta ary liata moh palâsapa zy he a sie papua theipa zy ama châ.