TLYRÂH B MTP BR, LÔBÔ BR NATA MTP GEN.HQRS,SIAHA ZY APAKYHNA HNEI…
Tari 19/5/2023 Dawh 11:30pm ta TLYRÁH B MTP Br ( Myanmar) chhituhpa 8 zy nata Âmo zachhihthatuhpa/deichhytuhpa, Lóbó MTP Br leader 5 zy ta MTP GH Office tly pata, MTP GH OBs zy nata Apakyhna pha kawpa eima hnei.
Puhpa Pakhaw Chozah, President MTP GH ta Apakyhna Prog he chhihtha ta, Alypangiana, Hmiapahnosana nata pasyuna pha kawpazy reina hneita, Gen.Secy nata Treasurer chhaota Pasyuna ama hnei hra, Tlyrah nata Lóbó chhituhpazy tawh chhaota ama hmahlana nata ahawnazy ama reih hra.
Tlyráh B MTP Br he Kô 2013 tawhta MTP ráh pakawh lymána nata Mara chipho syhpahmaoh awpa khopasana váta, Myanmar Mara chi, Vytuh phozy pahrána Khihzy chahryh/tly laih lymá pata,hmahlapa cháta, Kó 2015 liata Khi 2 liata Padua theipa achá haw. Puhpa T Chátlua Ex Pre. ta Tlyrah B, MTP br he pahy ta, Puhpa R Israel Chozah GS ta Sápachhó Br apahy hra. Sievawna zy ârypaoh thailei váta MTP India tawhta mohóhpa ama chá chy.
Atahmá hlá Tlyráh B MTP Br zy he ama thathyu kawta, athata hmah ama la haipa achá, Lóbó MTP Br zyta kaoto liata Âmo deichhyna raihria lymá ei ta, reithai amá chhih ngaita kaw! Alyna bie eima hlá hmeiseih. Atlia liata Lóbó MTP nata Tlyráh B MTP apakaoh pata Paritheipa hluhpi ( 22 haw) ama patu heihpa achá.
Tlyráh MTP Br he Lóbó branch nata Chhaoló sub Hqrs zyta kaoto lia deichhyna rai hria lymá ei ta, Ama chó lia aly pita, Eimá pahnieh hmeiseih. Hqrs chhaota abyuhna hawhta deichhyna rai hria lymá achhuah hra. Seal nata hmo hro byuhpa zy chhao pachápapa ama chá hra.
Myanmar,Mara chipho- Vytuh pho pahrána khi hropa zydua lia chhaota MTP he thlai áduah lymá hnabeiseih pita, MTP Gen Hqrs chhaota daihti huhieh tuachaipa liata Tlyna hnei awpa áchhuah hai…
ABEIPA TA MARA CHIPHOZY PÔHKHA TA, MIAH ASYHPAHMAOH LYMÁNA LÁPI LIATA PALÔH KAWH KAWPA NATA DAOTHEI KAWPATA HMAHLA LYMÁ CHYU EI SUH VY,
R.Israel Chozah
Gen.Secretary
MTP Gen Hqrs Siaha
